السلام عليكم ورحمة الله وبركاته
كيف حالكم اعضاء منتدى بنات الرياض
موضوعي هذا سأطرح فيه عن الخدم
ودي اتكلم باللغه العاميه عشان تتحمسون تقرون لان احس من وجهة نظري الاغلب يفضل اللهجة العامية عن الفصحى بغض النظر عن البعض
بسم الله أبدآ
طبعآ اكيد الكل يعرف مين هي الخادمة ..,
هي إمرأه نستأجرهآ من دولة اخرى والأغلب احنا يالسعوديين نستأجرها من شرق أسيا
نستأجرها لكي تقوم بأعمآل المنزل
خصوصا البيوت المكونه من عدة طوابق او الاثاث عندها كثير
او البعض تلقاها ساكنه بشقه صغيره لآكنها موظفه لذلك تتضطر انها تستأجر لها خادمة
طبعا الخادمة من عدة جنسيات
(( اندونوسيه - فلبينيه - سيرلنكيه - هنديه - والحين بدو يجيبون من كينيا ))
طبعا انا بتكلم عن حنا كمجتمع سعودي
ماتحسون ان حنا نعتمد ع الخدم كثير في حاجات كثيره
هي اللي تنظف وهي اللي تطبخ وهي اللي تربي الاطفال
طيب وش باقي للمرأة تسويه ؟؟!
بحط لكم 3 مشاهد ومن خلالها بتعرفون ان شاء الله وش اقصد
المشهد الأول
(( نوره توها متزوجة وبثاني اسبوع من زواجها كان الوقت المغرب وكانت جالسه مع زوجها احمد
احمد : نوره مشتهي اليوم اذوق من ايدك
نوره جلست تطالع يمين ويسار : ايش وش قلت
احمد : ابي اذوق طبخ زوجتي
نوره : هذا اللي ناقص بعد تبيني انا بنت العز ادخل المطبخ
احمد : وش فيها اذا دخلتي المطبخ وذوقتيني من ايدك
نوره : احمد افهمني انا في بيتنا ما ادخل المطبخ تبيني الحين ادخله لا سووري حبيبي بعدين تعال انا ما اعرف شيء بالمطبخ كيف تبيني ادخل
احمد : يعني تبين تعلميني ان ماعمرك دخلتي المطبخ لمن كنتي ببيت اهلك
نوره : لآ الله يخلي ميري
اكتفى احمد بالصمت والخروج من الشقه
..................................................
المشهد الثاني
تو الام راجعه للبيت من الدوام
جت وشافت الصالة من امس وهي مو مرتبه
الام : مييييييييييييييييييييييري << معصبه
ميري : نعم مدام
الام : ليش مانظفتي الصاله الى الحين
ميري :بيبي كلآ يصيح انا معا هوا طول وقت
الام : وليش يصيح اكيد انتي مسويه فيه شيء
اليوم الثاني
الطفل يبكي وميري جالسه تنظف عشان ماتحصل مثل التهزيئة اللي امس من ربة المنزل
.......................................
المشهد الثالث
الخدامة بالظهرية راحت للغرفتها تشوفها ربة المنزل
الام : مييييييييييري وين رايحه
ميري: انا تعبان ابي روه نوم سويا
الام : وين تنامين بعد بكرا عندنا عزيمة روحي نظفي المجلس
ميري: انا امس في نظف
الام : معليش قومي نظفيه مره ثانيه
نزلت ميري المسكينه تنظف والام تصعد لغرفتها متوجهه لسريرها عشان تنام
................................
أسألتي لكم أحبتي
اين حقوق الانسانيه لدى هذه الخادمة إليس من الأولى أن تعآملها مثل مانحب أن نعامل ؟!
ككثير من الاطفال والأبناء يتلفظون على هذه الخادمة الكلمات البذيئه ونحن لانوجههم الى الصح بل نسكت عن ذلك ثم بعد ذلك نتشكى ونقول (( الخآدمة سحرت ولدنآ )) ؟؟!
لمآذآ لم نجد الآن للأم أي وآجب لحق أسرتها لمآذآ صآر اعتمآدها الكلي على الخآدمة فقط ؟!
لمآذآ نسمح للخادمة بكشف الوجة أثناء خروجهآ معنا الى خارج المنزل ثم نشتكي ونقول (( مصيبه الخدامة دخلت رجال جوآ البيت )) ؟؟!
لمآذآ نعامل الخادمة هذي المعاملة السيئة ثم نقول (( الخدآمة هربت حسبي الله عليها من خدامه )) ؟؟!
تقبلوني /
رذاذ ((
رذوووذهـ ))
hgoN]lJJJi
منذ /03-28-2010, 04:40 PM
الخآدمـــه 
العرض العادي
